Glasgow aðventuferð 2023

Kláraðu jólagjafainnkaupin á einu bretti í stærstu borg Skotlands!

Flogið er beint til Glasgow með Play snemma á fimmtudegi og aftur heim í hádeginu á sunnudegi.

Innifalið í verði er flug, innritaður farangur báðar leiðir og 4* hótelgisting með morgunmat. Hótelið er á góðum stað í Glasgow í nálægð við fjölda verslana og veitingastaða borgarinnar. 

Glasgow er stærsta borg Skotlands og frábær áfangastaður til að heimsækja á aðventunni þar sem borgin er extra lífleg og litrík á þessum árstíma. Einnig er Glasgow frábær staður til að versla jólgjafirnar, gott úrval og hagstætt verðlag. Helstu verslunargöturnar Buchanan, Sauciehall og Argyle Street svo er St. Enoch verslunamiðstöðin staðsett í miðbænum og prince’s Square. Glasgow er mikil menningar borg, þeir sem hafa áhuga á listasöfnum, leikhúsum, tónleikum eða samskonar viðburðum ættu að geta fundið eitthvað við sitt hæfi en má segja að borgin sé leiðandi í þessum efnum.

GISTING

Holiday Inn – Glasgow – City Ctr Theatreland, an IHG Hotel****

Hótelið er vel staðsett í Glasgow eða í um 10 mínútna göngufjarlægð frá aðal verslunargötum borgarinnar.

Herbergin eru nýtískuleg með sjónvarpi og te- og kaffiaðstöðu. Á hótelinu er bar, veitingastaður og herbergisþjónusta.

JÓLAMARKAÐIR

Við St. Enoch square og George square er einn af aðal jólamörkuðunum í Glasgow. Frábært andrúmsloft og skemmtileg stemming þar sem bæði innlendir og erlendir aðilar eru með ýmislegt spennandi í boði í sínum básum. Einnig er hægt að taka hring í paríshjólinu eða skella sér á skauta á torginu. Eftir allt stússið er svo tilvalið að kíkja á þýsku pöbbana í kring og þá fjölbreyttu menningu sem svæðið hefur uppá að bjóða.