Lýsing
Þessi fallegi golfvöllur er par 72, 18 holu golfvöllur sem nær yfir dalinn Serra do Socorro og Archeira, á Oeste svæðinu.
Svæðið var tilnefnd sem einn af 100 sjálfbærustu áfangastöðum heims árið 2015. Golfvöllurinn var opnaður árið 2005 en hann er byggður á landi sem áður var notað af portúgölsku konungsfjölskyldunni sem veiðisvæði, en hótelið dregur nafn sitt af veiðilendum konungs.
Golfvöllurinn er virkilega skemmtilegur og hentugur fyrir alla getu leikmanna. Hann liggur í djúpum dal þar sem vínekrur teygja sig til allra átta. Nýlega fékk Dolce Campo Real Lissabon, sem er fimm stjörnu hótel, Brand Awards sem besta golfsvæðið í Portúgal hjá Brand Magazine.
Gott æfingasvæði, tveir púttvellir og einstakt klúbbhús með þægilegri setustofu. Samkvæmt leadingcourse.com fær Dolce Campo Real golf & Spa hæstu einkunn fyrir gistingu sem og golfvöll. Þrír veitingastaðir eru á hótelinu.
Í þessari ferð er farið í dagsferð á einn besta golfvöll Portúgals, West Cliff (ekki innifalið í pakkaverði).
Frekari upplýsingar og verðtilboð í síma 552-2018 eða info@tasport.is
