LÝSING

Lungau er vinsælt skíðasvæði í Austurríki / Salzburg  sem saman stendur af 5 fjöllum og um 300 km af skíðabrekkum. Sólríkir dagar taka á móti þér í Lungau. Opnar og breiðar brekkur, vel troðinn snjór og sjaldgæft að sjá raðir í skíðalyfturnar.

Flogið er til Salzburg á laugardegi og heim aftur viku seinna

Fararstjórar ferðarinnar eru bræðurnir Sigurður Sveinn Nikulásson eða Siggi Nikk eins og hann er kallaður ásamt Arnari Geir eða Adda Nikk. Siggi hefur verið skíðaþjálfari í 25 ár og þjálfað fjölda fólks á skíðum. Siggi lærði skíði á Húsavík þar sem skíðalyftan var við hliðiná grunnaskólanum. Siggi þekkir svæðið vel enda hefur hann heimsótt það oft með hópa. Addi hefur starfað sem skíðaþjálfari í 15 ár hér heima og í Noregi. Arnar er uppalinn á Húsavík þar sem hann hóf skíðaferilinn og hefur sinnt fararstjórn í fjölda skíðaferða og þekkir Lungau svæðið vel.

“Það skiptir engu hvort það sé utanbrautaskíðun, svigskíði eða gönguskíði ég elska þetta allt einnig er ég ágætur á bretti líka þó svo ég noti það aldrei.” – Siggi

SVÆÐIÐ

Hvert fjall er í um 3-20 mín fjarlægð frá hótelinu.

Grosseck-Speirreck er heimasvæðið í um 3 mín frá. Þetta er skemmtilegt svæði sem liggur um tvo bæi. Annar bærinn er Mauterndorf þar sem hótelið er staðsett og hinn bærinn er St. Michael.

Ainec-Katchberg eru 2 fjöll enn tengjast saman. Þar er gríðarlegt úrval af brekkum og veitingastöðum.

Fanningberg er minnsta svæðið en er falið leyndarmál. Þar eru breiðar brekkur og hægt er að skíða niður að hóteli.

Obertauern er frægt svæði. Bítlarnir tóku upp þar myndina Help og er nafn þeirra stillt upp á svæðinu. Stórt svæði sem liggur í hring(dalur) og það tekur heilan dag að skíða hringinn með stoppi á 5* veitingastað í hádegismat. Þetta svæði liggur hæðst allra svæðana og er mikið um hótel og oft mikið af fólki þar, en þess virði að skíða.

Möguleiki á námskeiði fyrir þá sem vilja um umhirðu skíða og vöxun en Siggi Nikk er sérfræðingur á því sviði.