Ca’ degli Ulivi – Gardavatnið

Eitt af fallegri golf svæðum Evrópu, staðsett við Gardavatnið , í héraði sem kallast Marciaga di Costermano. Ólífutrén, sem gefa klúbbnum nafn sitt, eru einkennandi plöntur þessa svæðis. Sérstök umhyggja hefur verið lögð í ræktun þeirra, hvert sem litið er þá erum við umlukinn Ólífutrjám og fallegri náttúru. Golfvöllurinn er staðsettur í himneskri náttúru með stórkostlegu útsýni yfir Garda, ólífulundir, eikarskóga, aldingarða, víngarða, þarna grípur maður andann á lofti. Milt loftslag Gardavatns gerir þér kleift að spila golf flesta daga ársins. Á hlýrri mánuðum þakkar maður fyrir léttri golu sem er nauðsynleg á stað sem þessum.

Á staðnum er golf akademía við völlinn með æfingasvæði og púttvelli, einnig kerru –  og golfbílaleiga, töskugeymsla, búningsklefar, bar og veitingastaður að ógleymdri golfverslun. Á golfsvæðinu er einn 18 holu keppnisvöllur og annar 9 holu golfvöllur sem er í einkaeigu hótelsins sem gestir geta spilað

18 holu keppnisvöllur 

Keppnisvöllurinn var hannaður af breska golf fyrirtækinu Cotton Penninck & Partners.

Hönnun og skipulag vallarins telst krefjandi fyrir lengra komna, en líka skemmtilegur fyrir byrjendur í golfi. Teigar eru við alla hæfi.

Gisting
Infinitum og Terrace herbergin eru merktar upp sem svítur og eru vinsælustu herbergin á hótelinu. Infinitum herbergin eru með laug beint út frá herbergi meðan sameiginleg sundlaug er fyrir Terrace herbergin. Standard herbergin eru um 20fm meðan Infinitum og Terrace eru um 40fm.