LÝSING

Eitt flottasta golfsvæði Spánar, við strendur Costa Brava sem býður upp á tvo 18 holu golfvelli, links og skógarvöll. Staðsett um 1 klst og 40 mín frá flugvellinum í Barcelona. Emporda Golf hefur verið valinn einn af 10 bestu á Spáni og er viðurkenndur af hinni virtu „Peugeot guide“ sem einn af 1000 bestu golfvöllum heimsins.

Bandaríska tímaritið „Golf World“ telur Empordá vera eitt besta svæðið á Spáni, auk þess að vera 3. besta á Norður-Spáni.

Fallegt og rólegt umhverfi heillar marga við Empordá svæðið en fyrir þá sem vilja þá er ekki langt í úrval veitingastaða og meira líf í Girona sem er í 30 mínútna aksturfjarlægð.

Svæðið fór í gegnum miklar breytingar árið 2020-21 og hefur hótelið og klúbbhúsið verið endurnýjað ásamt því að komið var fyrir saltvatns útisundlaug.

GOLFVELLIR

Empordà Links

Minnir á marga strandvelli í Bretlandi og Írlandi, sveiflast á milli sandalda, stöðuvatna og vel staðsettar stórar glompur. Völlurinn er 5.971 metrar af gulum teigum, krefjandi golfvöllur sem krefst hugmyndaflugs og sköpunargáfu til að skora vel. Það er einnig vert að nefna að það er mismunandi upplifun að spila Links völlinn fyrir og eftir hádegi þar sem hafgolan getur haft skemmtileg áhrif eftir hádegi.

Empordá Forest

Öfugt við Empordà Links, vindur Empordà Forest sig í gegnum hefðbundinn Miðjarðarhafsfuruskóg sem býður upp á kærkomna vernd þegar vindur er uppi. Spilarar verða að sigla í gegnum röð veltandi brauta sem hafa verið skornar í gegnum trén, en varast víðáttumiklu vötnin á nokkrum brautum. Þrátt fyrir mikið af trjám þá týnast fáir boltar í þeim og yfirleit hægt að slá sig aftur í leik ef kylfingar lenda í að hitta ekki höggið sitt eins og þeir ætluðu sér. Völlurinn er 5866 metrar af gulum teigum.

Girona

Borgin hefur mikla sögu og er vinsæll áfangastaður ferðamanna. Meðal annars má nefna sögulegar kirkjur, falleg fljót og mörg söfn sem hægt er að skoða í borginni. Úrval veitingastaða er mjög fjölbreytt og ættu allir að finna eitthvað við sitt hæfi. Gírona hefur oft verið nefnd matarkista Spánar.

Play De Aro

Ef gestir vilja komast í búðir eða næturlíf þá er Play De Aro í 20 mín aksturfjarlægð og hefur svæðið úrval búða og er opið alla daga vikunar.

L’Estartit / Torroella / Palafrugell / Palamós

Þessir bæir eru í 10-20 mínútna fjarlægð frá Hótelinu með leigubíl. Hægt er að finna bæði bari og góða veitingarstaði þar. Mælum við sérstaklega með Gelatone Giardinetto ítalskur veitingarstaður í L’Estartit.