LÝSING

La Galiana Golf Resort er eitt af merkilegustu golfsvæðum Spánar. La Galiana golfsvæðið opnaði fyrst sem golfvöllur árið 2011. Margar íslenskar ferðaskrifstofur hafa farið með gesti sína á þennan undurfagra golfvöll sem dagsbónus frá öðrum dvalarstöðum í nágrenninu. Yfir hundraði Íslendinga hafa farið þarna í dagsferðir og lýsa þessum golfvelli sem algjöru náttúru undri, en völlurinn var hannaður með það að leiðarljósi að leyfa náttúrunni að njóta sín sem best, útkoman er sú að La Galiana hefur oftar en einu sinni verið útnefndur einn fallegasti golfvöllur Spánar.

Um mitt ár 2022 opnaði La Galiana hótelið sem var byggt ofarlega í dalnum með ótrúlegu útsýni yfir golfvöllinn og þennan fallega dal sem golfvöllurinn situr í. Hótelið er byggt í Skandinavískum stíl með slökun og ánægju fyrst og síðast að leiðarljósi. La Galiana býður upp á fjölbreytan matseðil í einstöku umhverfi. Það er alveg óhætt að segja að golfgestir La Galiana upplifa hvergi annars staðar í Evrópu svona golfhótel með þetta einstaka golfútsyni.

Algjörlega einstakur golfáfanga staður á milli Alicante og Valencia!